ЯНГИ ДУНЁ

Бобур Мирзо муҳожирлик азобларига қандай бардош берган эдилар?

Адҳам Арслонов

“Чўли Ироқ” оғушида…

“Чўли Ироқ”ни тинглаганмисиз? Найнинг навоси шундай маҳзун, шундай мунглики, юрак бағрингни ўртаб ташлайди. Лекин бу ўрташ, вужудингга, руҳингга шундай ором олиб кирадики, бошингни бир маромда қимирлатаётганингни, кўнглинг ғуборлари қайларгадир бош олиб кетаётганини тўсатдан сезиб қоласан, руҳинг кўтарилади. Деразангдан кириб келаётган машина шовқинларинию, қўшни аёлнинг ароқхўр эрига шанғиллаётганини ҳам эшитмай қоласан. Бу мусиқа — ором, ором ҳадя этаверади. Ўз илдизларингдан сув ичиш қандайин ҳузур… Тўкил, эй, кўнгил! Бор-бўйингча тўкил-эй!

“Чўли Ироқ”ни ҳар сафар тинглаганимда, негадир, Ватан ҳажрида куйиб ўтганлар ёдимга тушаверади. Онгимда эса бир фикр айланаверади: Бу куйни Ватан соғинчида умр ўтказганлар яратган. Афсуски, бу фикрга асос топиб беролмайман. Балки мусиқашунослардан жўялироқ фикр чиқиб қолар. Билмадим… Билганим шуки, бу мусиқа Ватанни соғиниш нималигини англаган, барчамизга англатган ўша, буюк саркарда, истеъдодли шоир, фарзандларининг ардоқли отаси, ўзбекнинг улуғ, чин маърифатли фарзандларидан бири Бобурни ёдимга солаверади. Read the rest of this entry »

Юсуф Расул

2012 йилнинг феврал ойида таниқли имом Обидхон қори Назаровга  суиқасд қилган қотилининг орадан кўп вақт ўтмай, ўтган йилнинг  11 октябрь куни Россия хавфсизлик кучлари томонидан қўлга олингани ҳақидаги хабар кўпчилик каби бизда ҳам адолат қарор топишига, қотил ва унинг буюртмачилари албатта жазога тортилишига ишонч уйғотди.

Яна бир хушхабар, шу пайтгача хушсиз ҳолда ётган Обидхон қорининг соғлиги яхшилана бошлаганини шифокорлар имомнинг ўғли Довудхонга маълум қилишибди. Демак, умидлар ўлмаган, Обидхон қори албатта соғайиб, яна шогирдлари, уни интизорлик билан кутаётган мухлислари сафига қайтади.

Камина 2008 йилдан 2010 йилгача Обидхон қори Назаров билан бир неча марта учрашиб суҳбатлашганман. Учрашувлар давомида олинган суратлар, аудио ёзувлар ҳамон архивимда сақланади. Учрашувлар ва суҳбатлар давомида Обидхон қори софдил, тўғрисўз, самимий, маърифатли бир инсон ўлароқ менда жуда яхши таассурот қолдирган эди.

Бугун бу азиз инсон ҳақидаги эсдаликларимни сиз мўътабар ўқувчилар билан бўлишгим келди.

Хотираларда баъзи ўринсиз атамалар, кимларгадир ёқмайдиган иборалар қўлланилган бўлса, каминани айбга буюрмайсиз, деб умид қиламан.

Муаллиф. Read the rest of this entry »

Шуҳратжон АҲМАДЖОНОВ

Ҳар бир куним охиргиси бўлиши мумкинлигини мен биламан. Айнан шунинг учун мен ўз миссиям (вазифам)ни бажаришга улгуришим керак. [1]
АВРААМ ЛИНКОЛН (1809.12.02-1865.15.04)

Фото 1. Обид қори Назаров ([2]).

МУНДАРИЖА

Кириш сўзи (2013 йил 18 феврал)

Кириш сўзи (2012 йил 18 апрел)

1. Таржимаи ҳоли.

2. Суиқасд тафсилоти.

3. Суиқасдни ким уюштирди: Версиялар.

3.1. Миллатчилар гуруҳи ҳақидаги версия.

3.2. МХХ ҳақидаги версия.

4. Обид қори ва Миллий хавфсизлик хизмати.

5. Махсус хизмат органларининг халқаро ҳамтавоқлиги. Read the rest of this entry »

“Zona-Uz” асарида ўзбек қамоқхоналарининг кўпчилик учун номаълум тарафлари ëритилган, дейди китоб муаллифи.“Zona-Uz” асарида ўзбек қамоқхоналарининг кўпчилик учун номаълум тарафлари ëритилган, дейди китоб муаллифи.

Ўзбек қамоқхонасининг собиқ маҳбуси Евгений Дяконовнинг “Zona-Uz” китоби Литвадаги “Алма Матер” нашриëти тарафидан чоп қилинди.

Муаллиф ва бошқа маҳкумлар чизган расмлар билан безалган бу китоб ҳозир Норвегияда сиëсий қочқин мақомида яшаëтган 45 яшар инсон ҳуқуқлари фаоли Евгений Дьяконовнинг Ўзбекистон қамоқхонасида ўтказган 383 куни ҳақида ҳикоя қилади.

Китоб муаллифи Евгений Дьяконовнинг Озодликка айтишича¸ “Zona-Uz” асарида ўзбек қамоқхоналарининг кўпчилик учун номаълум тарафлари ëритилган: Read the rest of this entry »

Э.Дўсимов, Х.Эгамов.

Жой номларининг қисқача изоҳли луғати

Собиқ Иттифоқ пайтида нашр қилинган ушбу бебаҳо қўлланма туркий халқлар яшаб келаётган жой номлари тарихини ўрганишга катта ёрдам беради, деб умид қиламиз.

Манба: Зиёуз портали.

Луғатни ўқиш ва кўчириб олиш учун қуйидаги ишорага босинг: Joy nomlari qisqacha izohli lug’ati

Улуғбек Ҳайдар

Кеча қатл қилингандим…
Бугун ҳам ойболта остида бошим…
Нимталанган қалбим сабоҳни кутар…
Кундани ҳозирлар, Жаллод-қардошим.

Сукунат тиз чўкар қалгоҳ узра…
Потирлар қаноти қайрилган Сўзлар.
Болтага тикилар ҳадсиз кўрқувла
Зулмга тан берган миллионлаб кўзлар.

Ҳукм ижро этилди. Тиржаяр жаллод,
Тамошо тугади… “Тарқал, оломон!”.
Қонимга тойғаниб йиқилган одам,
Қонимни бўралаб сўкар беармон…

Совуқ ва қоронғу хужралар томон,
Индамай тарқалди менинг миллатим…
Золим кундасида вужудим эмас
Наҳот қатл этилди менинг Қисматим?…

Ванкувер, 3 февраль, 2013 йил.

www.yangidunyo.org

Бугун халқ табиби, таниқли шифокор ва ижодкор Абдуқодир Сатторов туғилган кун!

Дўстим Абдуқодир!
Мен сизни таввалуд топган кунингиз билан чин юракдан табриклайман.Сизга оилавий бахт, тинч – тотувлик, келажак ишларингизда улкан зафарлар тилаб барча яқин дўстларингиз номидан СОҲИБ ҚАРО.
Фурсатдан фойдаланиб баъзи шеърларимни сизга табрик сифатида ҳавола қилаяпман.

****

ИШБИЛАРМАН ТАБИБ

Ғоят эпчил ва чаққон,ўзи ҳар ишга қодир,
Одамлар орасидан терур дуру жавоҳир.
Мақсад ва орзулари барчаси элга зоҳир
Ўктам ва кўркамликда мисоли гўзал Тоҳир,
Ҳар қандай ишларни ҳам албат қилишга моҳир,
Маҳоратли, журъатли тадбиркор Абдуқодир. Read the rest of this entry »

Исмат Хушевни Тошкент аэропортида кутиб олиш ҳаяжонлари

Уйдан кетганимга ўн йил бўлибди,
Ўн йил қишлоғимдан юрибман узоқ.
Мен юрган йўлларда ўтлар унибди,
Кўмилиб бўлибди мен кезган сўқмоқ…

(Абдулла Ориповдан)

Ватанга сафар…

“Нью Йорк – Тошкент” йўналишидаги самолётга чиққанингиздан Ўзбекистон бошланади. Йўловчилар, асосан ўзбек қизларидан ташкил топган дилбар ва нозанин стюардессалар, ўзбекча калом ва газеталар Сиз серқуёш ва меҳмондўст Ўзбекистонга бораётганингиздан далолат бериб туради.

Ўн йил муқаддам бу самолётларда бундай ўзбекона ва миллий ҳолат кўзга ташланмасди.

Самолёт учишга тайёрланаркан, соф ўзбек тилидаги каломдан дилингиз илк бор она юрт соғинчидан энтикиб кетади:

“Ассалому алайкум азиз йўловчилар. Кема сардори Бахтиёр Қодиров бошчилигидаги экипаж аъзолари ва парвоз бекалари Сизларни “Ўзбекистон ҳаво йўллари” авиакомпанияси номидан қутлайди ва Сизларга ёқимли парвоз тилайди… Read the rest of this entry »

Муҳаммад Солиҳ (1455 – 1535)

(тарихий достон, давоми)
…
LXXI
Кенгошиб ҳар сори илғор йиборгонлари

Йиғилиб келди эса яхши-ямон,
Кепаку арпаю буғдою самон,

Бир неча йиғлашиб ўлтурдилар,
Бир-бирин меҳр била кўрдилар.

Деди Мирзоки: “Будур Шоҳи Замон,
Борчангиздин улуғ улдур султон.

Манинг ўрнумда ани шоҳ қилинг,
Борчангиз онинг эшигига келинг.

Ҳар наким ул деса, андоқ қилингиз,
Мулкнинг маслаҳатини билингиз”.

Борча зоҳирдо қилиб сўзни қабул,
Бўлдилар ботин аро асру малул. Read the rest of this entry »

”Эзгулик” бонг уради!

Жиноят ишлари бўйича Жиззах вилояти судида вилоятнинг Пахтакор тумани ИИБ собиқ бошлиғи, полковник Тўлқин Довурбоевга оид жиноят иши кўрилмоқда. У ўз укалари Дилшод ва Муҳаммадни ов милтиғидан отиб ўлдирган. Тошкентнинг Чилонзор тумани ички ишлар бўлими ходими, капитан Сарвар Ҳамидов ўз жонига қасд қилган. Ички ишлар бошқармаси жиноят қидирув бўлимининг ходими эндигина 29 баҳони қаршилаган эди. Сирдарё вилоятининг Сардоба тумани Шароф Рашидов жамоа хўжалигида яшовчи 26 яшар милиция ходими Комилжон Қаюмов бўйнига сиртмоқ тортди.

Пойтахтнинг Олмазор тумани ИИБ тергов бўлими ходими Бахтиёр Абдуллаев пора билан ҳибсга олинди. Ҳарбий прокуратура томонидан Тошкент вилоятининг Чирчиқ шаҳрида жойлашган Ўзбекистон ИИВ ЖИЭББга қарашли 64/6-сонли колния бошлиғи Нарзиқуловга оид жиноят иши кўриб чиқилмоқда. Read the rest of this entry »

Сирожиддин Толиб

Гоҳида ғарқ бўлгим келар
Сувга эмас
Ғуссага эмас
Хаёлга эмас
Сенинг оғушингга
Она!

****

Cуратингга қарайман
У қаримайди
Аммо қаритади

****

Кўприкман
Ўтишинг учун
Бузилишим асло уйлама
Фақат манзилган етган чоғинг
Мен томон бир боқ ва қўл силкит
Ўша дам тўкиламан…. ўзимдан-ўзим…. Read the rest of this entry »

Евгений Ихлов

Оказавшись в политическом тупике, Координационный совет оппозиции пошел тем же путем, что и либеральная оппозиция два года назад: открыл для себя ”умеренный национал-популизм”. Интернет-голосованием принято заявление о необходимости ввести визовый режим со странами Центральной Азии. Это огромная победа Юлии Латыниной, почти еженедельно твердящей ”Карфаген должен быть разрушен” (азиатская трудовая миграция должна быть запрещена), и иных идеологов правого консерватизма и либерал-фашизма.

В вину азиатским гастарбайтерам ставится согласие работать за гроши и в рабских условиях, склонность к криминализации и потенциальная готовность впадать в радикальный исламизм. Эти доводы недостойны людей с современными демократическими взглядами. История Запада знает совершенно иные рецепты борьбы с этими проблемами – в русле демократических, а не полуфашистских принципов. Прежде всего это помощь гастарбайтерам в создании своих профсоюзов, в защите своих гражданских и социальных прав. Затем – просветительская работа, парирующая распространение тоталитарных доктрин. Это сложно. Но в нормальных странах демократические партии шли именно таким путем. Read the rest of this entry »

Карим Баҳриев

ЧАРОС, РАЪНО ВА ШАҲЛО

Бу дунё шу экан – розим қоладир,
Кўпим кетиб борар, озим қоладир.

Бобом шароб ичиб, пиёла қўйган
Токчада мунғайиб созим қоладир.

Вақт отлиғ бешафқат юлиб кетажак –
На кибр, на қадди ғозим қоладир?!

Ҳар тулки қошида турланганим йўқ,
Этим қолмаса ҳам, юзим қоладир.

Бу бўз кўйлагимни эгнимдан ечдим,
Эрта мени ечиб, бўзим қоладир.

Қалбимга етмади васлимга етган,
Дилимда тахланиб сўзим қоладир.

Юрагим ёнадир. Кетар нурларим.
Ёшлар оқиб тугар… Кўзим қоладир. Read the rest of this entry »

Буюк сўз заҳматкаши, юртдошимиз Асқар Маҳкамни хотирлаб…

Асқар Маҳкам (1958-2007)

Асқар Махкам 1958 йил 27 ноябрда Тожикистоннинг Кофарниҳон туманида туғилган. Хўжанд давлат педагогика институтини тамомлаган (1981). «Наврўз» (1988), «Тазарру» (1982), «Таважжуҳ», «Ишқ» (1994), «Ибодат» (1993), «Ҳақ» (1998), «Аналхақ», «Табриз дафтари», «Оқкитоб» (2003) каби асарлари нашр этилган. «Авесто», Хожа Абдуллоҳ Ансорийнинг «Кашф ул-асрор» (Қуръони Каримнинг адабий-ирфоний тафсири), Ж. Румийнинг «Маънавий маснавий» (1-дафтар)сини, Шамс Табризийнинг ғазаллари ҳамда Эрон шоирлари шеърларидан намуналар таржима қилган («Туйғулар япроғи», 2005). 2007 йил 6 мартда Тошкент шаҳрида вафот этган.

* * *

Бу уйда бир пайтлар бувим яшаган,
меҳрсиз келинин дастидан ёниб.
Пойдевор тошини ўзи ташлаган,
Бизларга нон ёпган тунлар уйғониб.

Ўзи ер чопарди, ўзи экарди,
невара ташвиши, беш маҳал намоз.
Ғам ошиб кетганда нос ҳам чекарди.
Қўшнилар гоҳ яраш, гоҳи пайт араз. Read the rest of this entry »

(Шоир Шавкат Раҳмон ҳаёти ва ижодига чизгилар)

Эй, гулим,
Кўзларга ёшлар тўлганда
Соямиз қўшилган дамларни эсланг!

Шавкат Раҳмон

… У юзини терс ўгирди.
– Нимага келдингиз?
Нафаси сиқилиб, бутун вужуди бўғриққан, юз томирларигача таранглашиб, тобора қорайиб бораётган дарё тошларидек захали, уйдум-чуқур юзи энди бурунгидек қоя тошни эслатмас; ўшлик мусаввир полотносидан боқиб турган бургут нигоҳлардан асар ҳам қолмаган; аёвсиз дард билан олишавермоқдан тинкаси батамом қурғаган; кетмончиникига ўхшаш бақувват қўлларига ботган игналарнинг сон-саноқсиз излари ўрнида кўкиш-қора доғ билакларига ёйилиб, ток зангига ўхшаёзган; қадимги юнон ҳайкалтарошларининг ҳавасини келтирувчи мардонавор ва асл ўзбекона қиёфадан бир бурда эт қолган; қаттиқ ва тиғиз сочларига сўнгги пайтларда туйқусдан ёғилган оқ қировлар энди қирқ олти ёшни қоралаган забардаст шоирни етмиш яшар мўнкиллаган мўйсафидга айлантирган эди. «Мўйсафид» нафас ололмасди. Кўкраги тобора сиқилиб борар, унинг бошида изиллаб турган аёлига хона ҳавосизликдан портлаб кетадию деразада турган ва гази чиқариб юборилган минерал сувнинг идиши қаёққадир улоқиб кетадигандек туюларди. Read the rest of this entry »